كفايه ختان

 بسم الله الرحمن الرحيم

مسرحيه كفايه ختان اناث

تعرض هذه المسرحيه في مكان مفتوح بدون اي ديكور

تدخل طفله في لعاشره من العمر وهي تحمل في يدها اليمين هاتف جوال وفي اليد اليسري كراسه مدرسيه يبدو عليها الارتباك الي ان تقف في نصف المكان

الطفلة وهي تقلب في الكراسة:رقم تلفون استاذه فاطمه مديره لمدرسه انا متاكده من اني كاتبها في الكراسة دي واسه ما لافيها

فتره صمت لنصف دقيقه

الطفلة ويبدو علي وجهها الفرح:الحمد لله لقيتا

تكتب  الطفل الرقم علي  الجوال وتجري اتصال وتضعه في اذنها

صوت نسائي  ياتي من الطرف الاخر من  الهاتف: الو

الطفلة :الو استاذه فاطمه معاي

الاستاذه  : ايوا معاك استاذه فاطمه

الطفلة:انا امل عبد الله يا استاذه

الاستاذه : امل الصف الخامس كيفيك وكيف ناس البيت كلهم

الطفلة: الحمد لله

الاستاذه : دى ما رقم والدتك البتتصلي بيهو كل مره خير ان شاء الله

الطفله:دي رقم اخوي يا أستاذه المره الفاتت انتي اديتني رقمك لمن حكيت ليك انو امي ناويه تختني في الاجازه دي وطلبتي مني ان اتصل بيك لو عرفتي المواعيد انا اسه شايفه امي بتتكلم معي خخالاتي واتفقوا علي انو ختاني اكون بعد اسبوع وانا خايفه شديد والله يا استاذه خاصه بعد كلامك المره الفاتت عن مضار ختان الاناث وامي الباين عليها نوت تختني

الاستاذه :ما تخافي يا امل انا بجيكم البيت بعد نص ساعه وبتكلم معي امك ما تخافي

الطفله: حاضر حاضر يا استاذه انا منتظراك بس ما تقولي لامي انا اتكلمت معاك

الاستاذه : ما تخافي ما حكلمي

تغلق الطفله الهاتف

الطفله ترفع يديها للسماء وهي تدعي:يا الله يا االله استاذه فاطمه تقدر تقنع امي يا الله يا االله استاذه فاطمه تقدر تقنع امي يا الله يا االله استاذه فاطمه تقدر تقنع امي

يسمع صوت طرق علي الباب يقتح الباب تم يغلق تدخل امراتين الي المسرح الاوله في  الخامسه والثلثون من العمر ترتدي عبايه خلجيه  والاخري  في بدايه الخامسه والخمسون  ترتدي توب سوداني ابيض اللون تتجهان الي مكان وقوف الطفله

المراه:اتفضلي اتفضلي جوا علي الاوضه  يا استاذه فاطمه

المراه التانيه وهي ذات المراه التي كانت تتحدث بالهاتف:انا ما جايه اتضايف يا امنه انا جايه اخت حد للمهازل الانتي بتعمل فيها دي

المراه الاول:مهازل شنو يا استاذه كدي مدام مصره ما تدخلي الاوضه خلينا نجيب كراسي ونقعد هنا يا امل اجري جيبي لينا كرسين

الاستاذه: خليهم تلاته كراسي يا امل

المراه:خليهم تلاته واسمحي لي انا امشي اجيب البارد واجي

تخرج الطفله  وبعدها المراه تعود الطفله وهي تحمل تلاته كراسي بلاستيك  تعطي الاستاذه واحد منهم تجلس عليه   ثم تخرج وتعود وهي تحمل في يدها طاوله تضعها امام الاستاذه  وتاخد كرسي وتجلس عليه تعود المراه وهي تحمل في يدها كوب عصير تعطيه للاستاذه  وتجلس علي الكرسي الثالث

الاستاذه بعد ان تقوم بشرب العصير : صحي انتي قلتي عاوز تختني بتك امل

المراه:هي اتصلت بيك كلمتك اليله اصبري لي لمن الاستاذه تمشي بوريك

الطفله: لا والله يا امي بس

تقاطعها الاستاذه:انتي يا امل ما تتكلمي نهائي

الطفله:حاضر يا استاذه

الاستاذه :  اول حاجه انا سمعتي من نسوان في الحله ما اتصلت بي امل وثانيا انتي يا امنه ايام  زمان وقت كنتي كل ما تعملي حاجه وتخافي من امك ما كنتي بتجيني  في البيت ما بتتصلي بي تلفون عشان اتكلم ليك معاها واحسني ما تعاقبك لكن اسه دي ما موضوعنا صحي انتي عاوزه تختني بنتك في الاسبوع

الام:والله بس حبوبتي حلفت وقالت الا نختن وانتي عارفه امي امن تقول حاجه ما بتغير رايها فيها بالساهل

الاستاذه: امل دي بنتك انتي والا بنت حبوبتي انتي البتحدي وحتي ما انتي مفروض مدام الحاجه دي بتخصها هي ومستقبلي مفترض هي التحدد

الام: لكن امل لسه صغيره وما بتقدر تفهم الامور دي

الاستاذه: الجيل دي ما فيهو زول صغير وما بقدر افهم  التلفزيون خلي الاصغر منها تقدر تفهم  وتانيا انتي عارفه مضار الختان دي الا ما عارفه

الام:والله سمعت قالوا عندوا شويه مضار لكن هو سنه وعن الرسول صلي الله عليه وسلم

الاستاذه: اتزكري اني انا الدرستك التربيه الاسلاميه من سنه اوله لغايت نهايه مرحله الاساس وانتي ما قريتي الثانوي لانو بعد امتحنات الاساس اتزوجتي اولا قال الله تعالي في محكم 

 لقد خلقنا الإنسان في أحسن تقويم ) تنزيله (

اي ان الله تعالي خلق الانسان علي اكمل شكل وثانيا لا يوجد حديثا فيه أمر النبي صلى الله عليه وسلم لزوجاته أو بناته بالختان ، لكن ثبت عنه صلى الله عليه وسلم أنه أرشد امرأة كانت تختن بالمدينة ، إلى صفة الختان المحمود ، وذلك فيما روى أبو داود  والطبراني والبيهقي عَنْ أُمِّ عَطِيَّةَ الْأَنْصَارِيَّةِ أَنَّ امْرَأَةً كَانَتْ تَخْتِنُ بِالْمَدِينَةِ فَقَالَ لَهَا النَّبِيُّ صَلَّى اللَّهُ عَلَيْهِ وَسَلَّمَ : ( لا تُنْهِكِي فَإِنَّ ذَلِكَ أَحْظَى لِلْمَرْأَةِ وَأَحَبُّ إِلَى الْبَعْلِ ) . والحديث صححه الألباني في صحيح أبي داود

يثبت هذا الحديت ان الختان كان قبل الاسلام اي انه عاده قديمه ولذلك يطلق عليه اسم الختان الفرعوي ولو تاملتي في الحديث يا امنه تجدي انه يقول لها لا تنهكي اي انه يتحمل ان يكون للنهي عن الختان فالذي يحدث اليوم هو االهتك بعينه الذي نهي عنه الرسول صلي الله عليه وسلم ثم ان هناك حديث اخر للرسول صلي الله عليه وسلم عن أبي سعيد سعد بن سنان الخدري رضي الله عنه : أن رسول الله صلى الله عليه وسلم قال لا ضرر ولا ضرار وهذا حديث حسن رواه ابن ماجة والدارقطني وهذا الحديث ينهي ان يضر الانسان نفسه واثيت العلماء ان اضرار الختان الاتاث اكثر من نفعه

الام: ممكن اكون عندك حق يا استاذه لكن نحنا وامهاتنا وحبوبات حوبتنا كلنا مختونات وما جاتنا حاجه

الاستاذه:ممكن تقولي لي اختك الكبيره الله ارحمي ياامنه اتوفت كيف

الام: اتوفت وهي بتلد البكري بتاعي

الاستاذه: دي واحده من اضرار ختان الاناث وحوريك الاضرار بالتفصيل نبداء بالاضرار الصحيه يؤدّي ختان الإناث إلى نزيف دموي في بعض الحالات يكون النزيف بسيطاً او كبيرا علي حسب  الصدمة العصبيّة وهي رد فعل الجسم للألم والنزيف وأعراضها إنخفاض شديد بضغط الدم وحرارة الجسم وإغماء وايضا  لإضرار بالأعضاء المجاورة لمكان الختان لانه

إثناء إجراء عمليّة ختان الإناث تقوم الضحيّة عامّة بحركات مقاومة بسبب الخوف والألم تؤدّي إلى عدم إمكانيّة السيطرة عليها والتركيز على العضو الذي يراد بتره، ممّا يسبّب إلحاق جراح بالأعضاء المجاورة مثل مجرى البول أو المهبل أو العجّان أو الشرج وخاصه ان معظم من يقمن بعمليه ختان الاناث ليسوا اطباء وطبيبات  ايضا  تشعر الفتاة المختونة بألم شديد عندما يمس البول الحمضي الجرح وقد يؤدّي الخوف من الألم إلى إحتباس البول الإلتهابات الجرح في مكان حسّاس كهذا عرضة للتلوّث  إمّا بسبب إستخدام أدوات ملوّثة  أو أشياء ملوّثة لإيقاف النزيف  أو لأن المنطقة عموماً قريبة من فتحة الشرج وأي جرح فيها عرضة للتلوّث بالبكتيريا القولونيّة ايضا  تشويه العضو يلتئم جرح الختان بنسيج ليفي محدثاً تشويهات بالمكان  وقد تحدث ندب مؤلمة عند اللمس فتسبّب ألماً عند الجماع وايضا  تعطيل وظيفة الشفرين الصغيرين يؤدّي قطع الشفرين الصغيرين إلى الحرمان من وظيفتهما في توجيه تيّار البول بعيداً عن الجسم  كما يحرم البنت من وظيفتهما في حماية مدخل المهبل من غزو الجراثيم. العقمقد تمتد الإلتهابات الموضعيّة مع نقص حماية مدخل المهبل إلى المسالك التناسليّة  وقد تسبّب العقم نتيجة لانسداد البوقين. ويرجع الأطبّاء 20 إلى 25% من حالات العقم في السودان إلى الختان تعسّر عمليّة الوضع نتيجة لالتئام جرح الختان بنسيج ليفي، فإن منطقة الفرج تفقد مطّاطيّتها. وإذا لم يتمدّد الفرج أثناء الوضع فإنه يؤدّي إلى حدوث تمزّق في منطقة  العجّان وفي عضلة الشرج، فتفقد السيّدة التحكّم في عمليّات الإخراج. وقد تؤدّي طول فترة الولادة وتعسّرها إلى حدوث تمزّق في الأنسجة المحيطة بفتحة البول. وهذه التمزّقات تحتاج  لتدخّل جراحي فوري لإيقاف النزيف الناتج عنها ولمنع تقيّح الجروح. وقد يؤدّي ضيق فتحةالمهبل الناتج عن الختان إلى تعسّر مرور رأس الجنين، ممّا يؤدّي إلى وفاته إختناقاً بسبب نقص الأكسجين، أو إلى ولادة طفل متخلّف عقليّاً أو حركيّاً، نتيجة للضغط الزائد على رأسه بسبب طول فترة الولادة. وهناك اضرار نفسيه تصيب الفتاه المختونه مثل لاكتئاب والقلق حدة الطبع وسرعة الغضب تؤدي حالة الألم الهائلة التي تتعرض لها الفتاة عند الختان ( في حالة اجراء الختان بدون تخدير ) أو بعد زوال تأثير التخدير (في الحالات التي يتم فيها استخدام التخدير) الى وجود حالة من الحساسية الشديدة ناحية أي أقتراب من أعضائها الجنسية عند الجماع وتصل هذة الحالة في بعض الأحيان الى نوع من الهستريا

الام: المشاكل دي كلها ممكن تحصل للبنت من الختان

الاستاذه: واكتر من كدي بكتير انتي لسه با امنه عاوز تختني بنتك

الام:لالا تبري والله والله تاني يا استاذه ما افكر اختني وكان علي الناس ازعل العاوز ازعل

وارضي العاوز ارضي ما ممكن عشان الناس اضيع البت

الطفه:الحمد لله الحمد لله الحمد لله

الاستاذه: يا ريت الناس كلها تعرف مضار ختان الاناث وتقف ضده يا ريت كل واحده مننا تقول كفايه ختان اناث

تنهض الطفله وتقبل الاستاذه

انتهت بحمد الله