التحرش كما تدين تدان

بسم الله الرحمن الرحيم

التحرش(كما تدين تدان)

مسرحيه ذات فصل واحد

 مشهد اول يفتح المسرح علي اربعه شباب يجلسون داخل كافتريا احدي الجامعات

الشاب الاول:والله زي ما بقول ليك يا احمد البنات ديل ما تسمع الكلام بناعم معظمهم بحبوا انهم اتشاغلوا في الشارغ ودي  حركات منهمن ساكت مثلا البنت البحكي ليكم عنها من قبيل ما صدقت اني اتكلمتي معاها كلمه واحده تعال شوف ة الضحك متاكد اني الليله امن امشي ليها بعد نهايه اليوم الدراسي هي الحتشاغلني

الشاب التاني: المدرسه دي وين يا عبد الله

الشاب الاول عبد الله: ما حاقول ليك وين يا احمد عشان ما تمشي من وراي لكن ممكن اسوقك معاي اخليك تتعرف علي صحبتي

الشاب التاني احمد:يا زول انا الليله اصلا ما بفارقك

عبد الله:شايفك يا طارق ما مقتنع بكلامي

الشاب الثالث طارق :يا عبد الله ما ممكن تقنعني انوا معظهم بحبوا كدي انتي مثلا يا احمد انتي عندك اخوات في البيت هن من البنات ديل

احمد بعد ان يقف: يا زول انتي عاوز مشاكل والا شنو انا اخواتي والله ما برضه فيهم والا كلمه واحده لو واحد فكر  بالغلط انو اشاغلم الا اضبحوا وهن زاتم ما بقصروا وتانيا هن البنات البحصل بيهن تحرش هن البستاهلوا تلقي الواحده  ماشيه الجامعه والا المدرسه عامله ليها مكياج وعامله كيف ما عارف انا اخواتي من غير عبايه ولبس محتشم الوحده فيهن ما بتصل باب البيت تقول لي اتحرشوا كمان لا حول ولا قوه الا بالله

طارق:كدي اهدي يا عبد الله ونتفاهم بالعقل خليك من الانفعال الفاضي دي

يعوود احمد الي وضع الجلوس

طارق:حاسالك اسالي عاوزك ترد لي عليها انتي وعبد الله ببصراحه اتفقنا

احمد:ان شاء الله

طارق:يا احمد شوفتي انا امن قلت ليك سيره اختك انفعلتي كيف كويس البنات الماشين تتحرشوا بيهم او تشغالوهم زي ما بتقالوا انتي من وجه نظركم ما عندهم اخوان انفعلوا

احمد:لا طبعا اكيد معظمهم عندهم اخوان لكن ممكن نقول ما قايمين بواجدم علي الوجه الاكمل

طارق: كيف يعني ما فاهم فهمني

احمد: يعني هو مفروض اراقب اختو اشوفي لابسه شنو امن تكون طالعه وما اخليها تطلع بزي فاضح في الشارع العام

طارق: كلام جميل جدا يا احمد حاخد كلامك دي نقطه نقطه واناقشك فيهو هل الافضل للبنت انها تلبس لبس عادي وتخرج بيهو من البيت قدام اهلي والا تعملي زي زميلتنا هند البتجي من البيت بعربيه ابوها وتكون لابسه عبايه بعد ما  تنزل وتتاكد انو والدي مشي تدخل اقرب جته ليها وتطلع العبايه وتبقي بهدومي الانا وانني متفقين انها شاذه وامن مواعيد  رجعتي معي ابوها تجي تلبس العبايه تاني اها الافضل ياتو

احمد: لا طبعا الافضل انها بتطلع باي زي بعلم اهلي

طارق:كويس كدي متفقين لغايه هنا الاسبوع الفات امن حاولتي تشاغل البت بتاعت كليه الاداب كان ردت فعلي شنو

احمد:انتي ما عارف ادتني كف

طارق:الخلاك تمشي تحاول تتحرش بيها شنو

احمد: لبسي كان فاضح شديد يعني لابسه ليها بنطلون وبلوزه محذقات شديد

طارق:قبلي 3 ايام لو تتزكر في بنت من بنات الكليه لقتك في مكان براك وحاولت تشاغلك تتزكر

احمد: اااي كيف دي ما مريم

طارق:مريم دي في العاده بتكون لابسه شنو

احمد:بتكون ما شاء الله عليها لابسه زى محتشم جدا واصلا ما جاءت يوم الجامعه م لابسه عبايه

طارق:ابقي السوال الاهم من هي الافضل من ناحيه الاخلاق من وجه نظرك هل هي التي تلبس زي فاضح  من وجه نظرك انتي والتي عندما حاولت التحرش بها لم تتواني لثواني ان تضربك ام التي ترتدي الزي المحتشم  التي تبادل بالتحرش بك

احمد:والله سوالك دي صعب شديد لكن الافضل ا ااااااا ااااااااا يا زول الافضل الما بتفبل انو شخص اشاغلي

طارق: لغايت هنا نحنا متفقين نجي للنقطه المهم التانيه هل كل البتحرشوا بيهن في الشوارع هن من البلبسوا الزي الما محتشم والا في بنات لابسات النقاب ويتم التحرش بيهن

احمد: في الحقيقه في فتيات محتشمات ويتم التحرش بيهم وحتي سمعت او حتي النساء المتوسطات في العمر يتم التحرش بهن

طارق:يعني المتحرش دي لا بهموا هي لابسه شنو والا هي عمرها كم والا ردت فعلي حتكون شنو بس المهم انو اتحرش بيها

احمد:طبعا اااي

طارق: انتي قبيل يا احمد قلت انو لو في اي شخص فكر انو اشاغل اختك حتضبوا عديل كدي صح

احمد: والله ما افكر لحظه قبل ما تضبحوا دي شرف دي

طارق:كويس ممكن توريني انتي حتعرف من وين يعني مثلا اختك ممكن تجي تقول ليك انو فلان دي شاغلني في الشارع

احمد: لا طبعا ما ممكن دي احصل

طارق:لي

احمد:ما متكد من اجابه لي دي لكن ممكن نقول مثلا انو بتخجل

طارق:بتخجل من شنو وهي ما عملت حاجه غلط

احمد: والله ما عارف لكن ما اظن انو ليها تفسير تاني

طارق:ما ممكن انها تكون خايفه منك لوجاءتحكت ليك تخلي الموضوع الاصلي وتقعد تحقق معاها هي انتي اصلك الطلعك  من البيت شنو وكنتي لابسه شنو وعامله مكياج والا ما عامله وطريق مشيتك في الشارع كانت كيف ولي الخلاهو اشاغلك

من دون كل البنات الفي الشارع

احمد:طبعا انا حاسلي عن الحاجات دي كلها

طارق:يعني حتخلي المضوع الاساسي وحتتفرغ للمواضيع الجانبيه وهي بدل ما كانت مجني عليها اصبحت هي الجانيه ودي منك انتي بس من كل المجتمع دي عدل دي

احمد:يا طارق هوي دي ما وقت فلسفه وكلام فارغ من البتشبكنوا بيهو كل يوم عن حقوق المراءه والكلام الكبيرحق المثقفين دي لو لغايت بكره اتناقشنا ما حتقتنع انتي وانا ما بقتنع بوجه نظرك ومواعيد طلوع البنات من المدرسه فربت والوقت حيروح علينا ساي ارحع يا عبد الله وارح يا خالد عشان نصل في مواعيد مناسبه الموصلات دي ما مضمونه

بنهض كل من عبد الله واحمد

عبد الله:يلله يا خالد ما تاخرنا ساي

خالد:معليش يا جماعه انا اقتنعتي بكلام طارق وانشاء الله من يوم الليله ما اشاغل لي بنت يا جماعه نحنا عندنا اخوات وعندنا بنات اعمام وبنات خالات والما بنرضاهو لبناتنا ما برضاهو لبنات الناسعبد الله: يا زول انتي حر بكره حتندم

مشهد تاني احمد وعبد الله في انتظار خروج الطالبات من المدرسه

عبد الله:والله الليله تقتنع يا احمد المدرسه دي فيها بنات جميلات جمال ما عادي

احمد: والله شوقتني عديل كدي عشان اشوف البنات ديل

تخرج مجموعه من الطالبات من باب المدرسه

عيد الله وهو يشير الي احدي الطالبات: ارح سريع ارح سريع ديك الزوله البتكلم عنها

احمد:يا زول دي كلام شنو ياتي فيهم

عبدالله:ديك البنت اللون قمحي وصحتي وسط يا اخ اجمل واحده فيهن

احمد وهو يضرب عبد الله: يا حيوان يا صعلوق دي اختي دي

النهايه